GODZILLA:NIMEFANYA NGOMA NA DIAMOND, NAYE AMECHANA

NA SYLVESTER DAVID

MSANII maarufu wa Hip Hop nchini,  Golden Mbunda, ‘Godzilla’ amewataka mashabiki wake kuwa tayari kwa ujio wa wimbo mpya  aliomshirikisha Naseeb Abdul ‘Diamond Platinum’.

Aliyasema hayo jana katika mazungumzo na Tanzania Daima kuwa mashabiki wake wawe tayari kuupokea wimbo huo kwani umebeba ladha tofauti.

“Nina wimbo wangu mpya na Diamond ambao wote tumechana utatoka muda si mrefu kutoka Mj Records chini ya Marco Chali mashabiki wangu kaeni mkao wa kula”.Alisema

Msanii huyo aliyechini ya usimamamizi studio za Mj Record zilizopo jijini Dar es salaam  anayetamba na wimbo wa “Nisome” aliyewahi kutamba na nyimbo mbalimbali zikiwemo Salasala, Kingzilla, The same, Get up my way na lakuchumpa aliomshirikisha mchekeshaji maarufu nchini,Joti.

Alisema,  kuna kanda  mseto nyingine ambayo inasimamiwa na na mwandaaji wa muziki nchini ‘Zaa Chaa’ ambaye ni mdogo wa Marco Chali kutoka Studio za Mj Record iitwayo Watoto wa Mama.

Pia aliongeza kuwa wiki ujayo anaanza kufanya video ya wimbo  wa‘ Nisome’ unaotamba  katika vituo mbalimbali vya Redio nchini ambayo itatoka muda si mrefu.

Mwisho…………